लोकप्रतिनिधी व लोकसेवा शैक्षणिक संकुलाचे संस्थापक श्री दीपकजी पायगुडे ह्यांनी पाठवलेले शुभेच्छा पत्रः

लोकप्रतिनिधी व लोकसेवा शैक्षणिक संकुलाचे संस्थापक श्री दीपकजी पायगुडे ह्यांनी पाठवलेले शुभेच्छा पत्रः
सन्माननीय श्री.प्रवीणजी दिक्षित साहेब
आपणास वाढदिवसाच्या हार्दिक शुभेच्छा!

‘सुपर कॉप’ म्हणून ख्याती मिळवलेले माजी पोलिस महासंचालक श्री.प्रवीणजी दिक्षित साहेब आज आपला वाढदिवस.पोलीस खात्यात सर्वोच्च मानले जाणारे पद म्हणजे ‘पोलीस महासंचालक’ . प्रचंड मेहनत व कष्टाच्या जोरावर आपण हा मानाचा तुरा आपल्या शिरपेचात रोवून घेतला आहे.
आपल्या संपूर्ण जीवनक्रमाचा अभ्यास केल्यानंतर लक्षात आले की विद्येचे माहेरघर असलेल्या पुण्यात आपले संगोपन झाले. वडील प्राध्यापक असल्याने जगण्यात एक विलक्षण शिस्त दिसून येते.वडिलांना प्रचंड मोठ्या वैद्यकीय समस्यांना सामोरे जावे लागले.पुढे सेवेत रुजू झाल्यानंतर आपली पोस्टिंग लेह व लडाख येथे झाली. येथील सविस्तर वृत्तांकन आपण वाचकांमध्ये लोकप्रिय ठरलेल्या ‘नाते लडाखशी’ या पुस्तकात केले आहे.
आपल्यातील असलेल्या गुणवत्तेच्या जोरावर सॅनफोर्ड स्कुल ऑफ पब्लिक पॉलिसी नॉर्थ कॅरोलोना यूएसए येथून जागतिक शांतात व संघर्ष यात फेलोशिप मिळवली. जेएनयू या नामवंत महाविद्यालयात शिक्षण घेण्याची संधी आपण मिळवली. अभ्यासू व्यक्तिमत्व आपले असल्याने इंटरनॅशनल पॉलिटिक्स या विषयात पदव्युत्तर शिक्षण मेहनतीने पूर्ण केले.
आपल्यातील गुणवत्ता व मेहनतीच्या जोरावर यू पी एस सी सारखी परीक्षा आपण प्रथम प्रयत्नात उत्तीर्ण झालात.१९७७ मध्ये आयपीएस या पदासाठी नियुक्ती करण्यात आली आणि शिस्तबद्ध जीवनशैलीतून हा पोलीस दलातील प्रवास सुरु झाला. या प्रवासात सर्वोच्च शिखर गाठत ते पोलीस महासंचालक या पदापर्यंत पोहोचले.
ह्या पदापर्यंत पोहचण्याच अगोदर महाराष्ट्र राज्य लाच लुचपत विभागाचे प्रमुख म्हणून अत्यंत जबाबदारीने आपण ही धुरा सांभाळली. या कालावधीत त्यांनी अनेक धाडसी निर्णय घेतले व संपूर्ण महाराष्ट्राला भ्रष्टाचार मुक्त करण्याच्या प्रयत्नात आपला मोलाचा वाटा आहे.
पोलीस महासंचालक हे पद सांभाळत असताना ह्या पदासोबत आणखी किती जबाबदाऱ्या येत असतील , याची जाणीव आम्हाला आहे. हे फक्त मानाचे पद नव्हे तर संपूर्ण राज्यातील पोलीस दलाची जबाबदारी अंगावर पेलणे होय. या पदापर्यंत पोहोचण्यासाठी जो संघर्ष करावा लागतो त्याहून अधिक संघर्ष या पदाच्या कार्यादरम्यान करावा लागतो. हे पद म्हणजे एक प्रकारचा काटेरी मुकुटच असतो.
आपल्या मार्गदर्शनाखाली ईगल ब्रिगेड फॉउंडेशनचे संस्थापक विश्वनाथ बिवलकर यांनी 2015 ते आजपर्यंत ‘पोलीस मित्र’ या चळवळीत आघाडीवर योगदान दिले आहे.
आपण आजवर केलेला प्रवास आज असंख्य तरुणांना नवसंजीवनी देणारा आहे.आपल्या केलेल्या कार्याचा आदर्श घेऊन अनेकांच्या जीवनाला आकार येणार आहे.

पुढील वाटचालीसाठी वाटचालीसाठी आपणास खूप खूप सदिच्छा. पुनः श्च एकदा आपणास वाढदिवसाच्या हार्दिक शुभेच्छा!

आपला कृपाभिलाशी
दीपक पायगुडे
संस्थापक अध्यक्ष
लोकसेवा शैक्षणिक संकुल
पुणे